POPULÆRTNyhende

Klart for fiskefestival på Mo

Laurdag denne helga er det duka for fiskekonkurranse og mykje underhaldning på Mo.

AV Stine Strand Carlsen
Publisert
Oppdatert:

– Me har eit rikt program med fisking, andeløp, padlekonkurranse og dans med Good Time Charlie på kvelden på Mobryggja, seier Roger Fure, butikksjef ved Coop Marked i Modalen, som står bak arrangementet.

Fiskefestivalen har blitt eit fast innslag på seinsommaren på Mo.

– Festivalen vart arrangert mange år tidlegare. Det var stopp nokre år, før me drog i gong att tradisjonen for fire-fem år sidan. Det plar vera eit populært arrangement og det er kjekt og sosialt å samlast på denne måten, seier Fure.

Latsekk-konkurranse

Dei seinare åra var padlekonkurransen kalla «Latsekk-konkurransen» vorte eit morosamt innspel i programmet.

– Her skal ein blåsa opp såkalla latsekkar, og padla fortast mogleg frå sandstranda på Mo og bort til båthamna. Det er kaldt i vatnet, så her kan det vera lurt å ta på seg våtdrakt!

Det vert også ope i Sognafloren og Låvebakeriet under arrangementet.

– Hjå Mobryggja vert det også smaksprøvar av deira fantastiske fiskesuppe, og seinare på kvelden vert det fisk- og skalldyrsbuffet før dansen, seier Fure.

Håpar på god deltaking

Han håpar mange tek turen til Modalen denne laurdagen.

– Det plar vera mest lokale som deltek på arrangementet, men det hadde vore veldig kjekt og også fleire utanfrå tok turen hit, seier han.

Lesarane si meining

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på avisa-hordaland.no. Falske profilar vert utestengde. Ver sakleg og vis respekt når du kommenterer.